صباح الخير ياعراق.. صباح الحب والياسمين لك من حدائق حبنا ..
مازال الشعب العراقي مستمرا في غضبه على السياسات الطائشة واللامسؤولة لحكومة ابو السبح نتيجة فشله في ادارة شؤون الدولة خلال المرحلة الماضية والحالية والسبب يااخواني انوا ابو السبح في البرلمان تحدث عن الحكومة وتشكيلتها وقال بان التشكيلة الحالية ليس بمستوى الطموح . الله على طموحك اخاف يسمعك العالم ويحسدون العراقيين . شنو هو طموحك يا استاذنا الفاضل كيف رضيت على نفسك ان تكون رئيس حكومة ضعيفة هشة اذا مو انت ضعيف وهش . شنو طموحك تفتح كشك لو (جمبر) لكل وزير يجلس على باب الوزارة ويبيعلك سبح ومحابس . لو دورت على حرامية محترفين وماكو احسن من الحاليين . خوش اختيار اني ادري راح تكول مفروضين علي من قبل قوائهم . لعد انت اشكد ضعيف وهزيل تقبل بكل شي من اجل البقاء على الكرسي . يا سيد ابو السبح ترى الكرسي الي انت كاعد عليه هو كرسي حلاق راح اتزين وتكوم وتولي ويجي غيرك . بس وين راح تروح من تكوم .بالعراق ما الك مكان . اكيد راح ترجع مرة ثانية لاسيادك بايران حتى ترجع خادم مثل ما كنت قبل . بس من تروح هالمرة ماراح تبيع سبح لان صار عندك فلوس من كثر ما بكت ونهبت اموال العراقيين وثرواتهم . بس بنفس الوقت انت مشتاق تشتغلها . مو مشكلة اقترح عليك تفتحلك ماركت خاص لبيع السبح وتستورد وتبيع . وتفتح معهد لتعليم السحر والشعوذة . خوش شغلة وكرف فلوس من وراها لان انت استاذ متخصص بيها .. مع تحياتي وحبي لكل العراقيين الشرفاء .
ليست هناك تعليقات:
إرسال تعليق