قيم الركاع من ديرة عفج ابو السبح راح يقيم عمل الوزارات بعد خلال 100 يوم والان انتهى نصف المدة يعني انتهى امتحانات الفصل الاول والان الوزارات في امتحان نصف السنة وبعدها راح يمتحنون الفصل الثاني وبعدها ابو السبح راح يقرر من الوزراء سوف يدخل البكلوريا . ما نخشاه هو ان يقرر ابو السبح (نوري المالكي) دخول عام لكل الوزراء . انها مهزلة السياسة ومهزلة التاريخ . لقد بد عصابات القتل والسلب والنهب المعروفين من سنين عديدة باجرامهم بتقييم مؤسسات الدولة . ولا ندري اي معيار سيستخدم للتقيم المثقال لو الاوقية . الله يرحم ملا عبود الكرخي قبل سبعين سنة كتب شعر شعبي قيم الركاع من ديرة عفج وكانه كتبه للسيد المالكي واعوانه .
اليوم لدينا رئيس وزراء من ديره عفج و كما ترون الايام تعيد نفسها اترككم مع القصيده
قيــــــــم الركــــــاع من ديره عفـج
قيّم الرگاع من هاي اللحه
اتشوفه هيبه وعنده لحيه امسرّحه
يشتم بلا خجل وبلا مستحه
من ايحس المقعد اشويه اندحچ
قيم الرگاع من ديرة عفچ
برلمان اهل المحابس والمدس
عگب ماچانوا يدورون الفلس
هسه هم يرتشي وهم يختلس
ولو نقص من راتبه سنت انعقچ
قيم الرگاع من ديرة عفچ
اتشوف واحدهم امعمّم بالوقار
وبالاصل تاريخه أسود كله عار
ابضرف ثلث اسنين مليونير صار
ايريد عالوادم ايعبّرله چلچ
قيم الرگاع من ديرة عفچ
گمت ما اعرف حماها امن الرجل
ياهو التكضه اهو ايمثل العدل
وگمنه نستورد الشلغم والفجل
لان كلها ضلت اتدور ودچ
قيم الرگاع من ديرة عفچ
والله ضيعنه الصدگ من الچذب
اتشوفه هيبه وحچيه المصفط عذب
ياخذك وايردك ابشرق وغرب
وبسچاچينه يدچك حيل دچ
قيم الرگاع من ديرة عفچ
حيل دوخني الحچي الماله ربط
وصار عندي سكر وحصبه وضغط
نفترش عاگول ونتغطه ابحسچ
قيم الرگاع من ديرة عفچ
گمت ما اميز الذيب امن الحمل
إمنين ما التفت گلبي يشتعل
آنه ما شايف شعب يتبع خبل
شاب راسي وتيهت كل السچچ
قيم الرگاع من ديرة عفچ
يا حكومتنه الرشيده ام الوقار
الفساد المالي عنوان الچ صار
ندري جابوكم ابدبابه وقطار
ليش ضليتوا سمچ ياكل سمچ؟
قيم الرگاع من ديرة عفچ
لازم انميز الزين امن الزلم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه اندرچ
قيّم الرگاع من هاي اللحه
اتشوفه هيبه وعنده لحيه امسرّحه
يشتم بلا خجل وبلا مستحه
من ايحس المقعد اشويه اندحچ
قيم الرگاع من ديرة عفچ
برلمان اهل المحابس والمدس
عگب ماچانوا يدورون الفلس
هسه هم يرتشي وهم يختلس
ولو نقص من راتبه سنت انعقچ
قيم الرگاع من ديرة عفچ
اتشوف واحدهم امعمّم بالوقار
وبالاصل تاريخه أسود كله عار
ابضرف ثلث اسنين مليونير صار
ايريد عالوادم ايعبّرله چلچ
قيم الرگاع من ديرة عفچ
گمت ما اعرف حماها امن الرجل
ياهو التكضه اهو ايمثل العدل
وگمنه نستورد الشلغم والفجل
لان كلها ضلت اتدور ودچ
قيم الرگاع من ديرة عفچ
والله ضيعنه الصدگ من الچذب
اتشوفه هيبه وحچيه المصفط عذب
ياخذك وايردك ابشرق وغرب
وبسچاچينه يدچك حيل دچ
قيم الرگاع من ديرة عفچ
حيل دوخني الحچي الماله ربط
وصار عندي سكر وحصبه وضغط
نفترش عاگول ونتغطه ابحسچ
قيم الرگاع من ديرة عفچ
گمت ما اميز الذيب امن الحمل
إمنين ما التفت گلبي يشتعل
آنه ما شايف شعب يتبع خبل
شاب راسي وتيهت كل السچچ
قيم الرگاع من ديرة عفچ
يا حكومتنه الرشيده ام الوقار
الفساد المالي عنوان الچ صار
ندري جابوكم ابدبابه وقطار
ليش ضليتوا سمچ ياكل سمچ؟
قيم الرگاع من ديرة عفچ
لازم انميز الزين امن الزلم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه اندرچ
قيم الرگاع من ديرة عفچ
ليست هناك تعليقات:
إرسال تعليق